Koktebel Jazz Party фестивалинде Li Xiaochuan джаз квартети тек ансамбль ребери Ли Сяо-Чуань иле язылгъан эсерлерни такъдим этеджек. Буны журналистлерге чалгъыджылар айтып бердилер.
«Мен энди олгъан музыкагъа ошамагъан озь музыкамы яратам. Янъы бир шей яратмагъа, озь эсерлериме къытай тюсюни къошмагъа тыршам.Меним эсас умдем — музыкада креатив», — деп. пайлашты Ли Сяо-Чуань.
Онынъ сёзлерине коре, къытай ве гъарп джазы арасында буюк феркъ бар. Бу бугунь фестиваль черчивесинде о ве онынъ ансамбли такъдим этеджек музыкада пек дуюла.
Джаз Къытайда пек рагъбетли: 10-дан 8 музыкаль университетлерде джаз дерслери бериле, эр бир регионда джаз концертлери кечириле. Такъымнынъ басчысы Хуан Юн — Пекинде кечкен «Девять ворот» адлы рагъбетли Къытай джаз фестивалининъ тесисчисидир.
Чалгъыджылар айттылар ки, Koktebel Jazz Partyдеки муит, дигер мемлекетлерден кельген чалгъыджылар иле къонушув оларны запт этти. Санадан ачылгъан манзара айырыджа теэссюрат къалдырды. «Биз бугуньки чыкъышымызны пек беклеймиз. Бу пек гузель олса керек», — деп, екюнледилер артистлер.