Koktebel Jazz Party 2016 черчивесинде сейирджилер севгиси ярышы тесис этильген эди. Артистлер чыкъышта булунгъан вакъыт махсус алет эльчырпмаларнынъ сес севиесини ольчей. Куннинъ сонъунда артислернинъ бирисине фестивальнинъ шериклеринден бири, «Смоленские бриллианты» ширкети такъдим эткен махсус приз бериле. Биринджи куннинъ гъалиби JB and24 Kopeks коллективи олды.
«Мен бизим гъалебемизге къуванам, эм де бунъа акъкъымыз барлыгъында эминим. Мени догъру анъланъыз: мында чокътан-чокъ аджайип чалгъыджылар чыкъышта булуна. Бельки бизим музыкамыз къалгъанларгъа бакъкъанда бираз сеслидже олгъаны ичюн сейирджилер бизге чокъча эльчыпкъандыр? Эр алда мен бу мукяфатны алгъанымыздан бахтлым. Сагъ олунъыз», — мукяфатланув мерасиминден сонъ JulianBurdock бойле деди.
О эм де фестивальнинъ гузель тешкиль этилювини ве сейирджилернинъ аля кейфлерини къайд этти.«Мындаки сейирджилер чешит несиллерге аит. Эр кес бир-бирине яхшы бакъа ве чалгъыджыларгъа къол туталар. Тешкиль этилюви юксек севиеде. Бу фестивальде чыкъышта булунгъаныма пек къуванам», — деп, къайд этти о.