Бедий ребер, энъ чешит теркиплерде чалув теджрибеси олгъан белли москвалы джаз саксофонджы Сергей Головня идарелигинде Тула филармониясынынъ биг-бэнди 2016 сененинъ март 10-да дюньягъа кельди.
Коллектив Тула филармониясында тесис олунгъаны тесадюфий дегиль — таа 1960-джи сенелерден башлап, Тула шеэри джаз меркези олды. Ерли джаз устасы Анатолий Кролл озь фаалиетини тамам мында башлагъан эди. Русиеде нам къазангъан санат эрбабы, бестекяр, аранжировкаджы, Тула биг-бэндининъ дирижеры Игорь Кантюков де озь джаз фаалиетини бу шеэрде башлагъан эди.
Koktebel Jazz Party фестиваль программасыны ачаджакъ коллективге энъ гузель русиели чалгъыджылар кирелер. Боразанджылар — Виктор Арзу Гусейнов, Роман Иванов, Михаил Бручеев, Виталий Анисимов. Тромбонлар — Алексей Секацкий, Сергей Гимазетдинов, Андрей Лавриненко, бас-тромбон — Максим Тарасов. Саксофон — Роман Соколов, Павел Скорняков, Антон Залетаев, Виктор Подкорытов. Давуллар — Александр Зингер, рояльде — Олег Стариков. Контрабас чалгъан инсан демир везинни тута, бу инсан айретте къалдырыджы свинг саиби — Владимир Кольцов-Крутов.
Чалгъыджылар айткъанына коре, биг-бэндте чешит несиллерге менсюп адамлар чалалар — бу эм 25-30 яшлы эрифлер, эм де джаз ветеранлары. Ве тамам несиллер багъы — коллективнинъ эсас къыйметлеринден биридир. Ансамбльде айры алгъанда энъ кучьлю чалгъыджылар чокъ олгъанына бакъмадан, биг-бенднинъ иштиракчилери арасында къардашлыкъ дуйгъусы кимериде айры алынгъан соло иджраджылардан да муимдир.
Фестивальде чыкъышлар программасы хусусий тархда азырланаджакъ ве Русие джазынынъ эфсанелерине багъышланаджакъ. Чюнки тамам 2016 сене Олега Лундстремнинъ догъгъан кунюне 100 йыл тола. Ве тамам фестиваль куньлери ерли джазнынъ темелини къойгъан инсанларнынъ бири — Герман Лукьянов 80 яшыны толдура. Коллективнинъ дирижери Игорь Кантюков якъында озь 70-йыллыгъыны къайд этти. Бундан гъайры, биг-бэнднинъ иштиракчилери якъында дюньяны терк эткен Андрей Эшпайны онынъ музыкасы иле ве онынъ йырларына Олег Лундстрем ве Виталий Долгов тарафындан язылгъан истидатлы аранжировкалары иле анъаджакълар.