Белли чалгъыджы ве 24 Pesos такъымынынъ лидери журналистлернен лаф эткенде айтты ки, о Русиеге биринджи кере кельмей, амма Коктебельни ильк кере зиярет этти. «Аджайип ер, эльбетте, мен оны пек бегендим. Фестивальде чыкъышта булунмакъны сабырсызлыкънен беклейим», — деди о.
Джулиан Бердок эм де озь музыкаль меракъларынен пайлашты. Онынъ сёзлерине коре, бу музыкаль ёнелишлернинъ пек буюк даиресидир — 1980-нджи сенелернинъ поп-музыкасы, Джордж Майкл, Фрэнк Заппа, Битлз, Дюк Эллингтон, Билли Айдол ве Элвис. «Мен блюз чалгъанымда, булар эписи бир де бир севиеде пейда ола. Музыка гузель олмасы пек муим, ве мен биринджи невбетте джиддий йырларгъа эмиет айырам. Бу не олса олсун — поп-музыка, 1930-джи сенелернинъ джазы, панк-рок — музыканынъ бутюнлей чешит услюплери», — деп, екюнледи чалгъыджы.