— Бизим белли джаз боразанджымыз, Игорь Бутман биг-бэндининъ, эм де Олега Лундстрем ве Георгий Гараняннынъ оркестрлерининъ сабыкъ соло иджраджысы. Ростов-на-Дону шеэринде умумрусие яш джаз иджраджылар ярышынынъ лауреаты, эм де москвалы «Синяя птица» ве «Фестос» ярышларнынъ лауреатыдыр. 2003 сенеден берли чалгъыджы Нью-Йоркта яшай, анда о эм озь такъымы иле, эм де Mingus Big Band ве Jazz at Lincoln Center Orchestra киби мешур коллективлер иле даима чыкъышларда булуна. Tippin' Records лейблында эки соло альбом чыкъарды: 2009-нджи сене To Whom It May Concern ве учь йылдан сонъ What Matters. Даа якъында, язнынъ башларында Виталий сейирджилерге озь биринджи русиели When In Moscow альбомыны такъдим этти, оны ArtBeat Music ширкети нешир этти.