Дюнья джазынынъ энъ гузель давулджыларындан бири, эфсаневий 87-яшлы чалгъыджы Джимми Кобб ве онынъ квартети Koktebel Jazz Party халкъара джаз фестивалининъ санасында учюнджи, екянлейиджи кунь чыкъышта булунаджакълар.
Джимми Кобб матбуат-конференция кетишатында джаз шимдики джазгъа бакъкъанда, гузель олмаз, деген фикирни бильдирди. «Дюк Эллингтондан, Чарли Паркерден гузельдже чалгъанлар илериде пейда олмаса керек. Эр кес оларгъа иришмеге тырыша, оларгъа бакъалар», — деп, къайд эте Джимми Кобб.
Буннен берабер джаз сананынъ ветераны эмин ки, джазны илерилетмек зарур. «Штатларда эвель джаз мектеби чокъ эди, анда яшлар бу музыкаль ёнелинши менимсей биле эди. Бу керчектен де ярдым эте. Шимди бойле мектеп бираз азджа. Эгер олар чокъча олса эди, яшлар бу музыканы менимсей биле эди, деп, тюшюнем», — деп, сая Кобб.
О эм де Koktebel Jazz Party пек юксек севиеде тешкиль олунгъаныны къайд этти. «Эгер акъшам бизим чыкъышымыз вакъытында сес саунд-чекте олгъаны киби гузель олса, эр шей аджайип кечеджек», — деп, екюнледи давулджы.