Марта Като

Марта Нагоя шеэринде, Японияда догъды ве буюди. Музыка иле эрте балалыкътан огърашып башлады, атта бу не вакъыт олгъаныны хатырлап оламай. Музыканы исе даа догъмаздан эвель динълеп башлады, онынъ анасы пиано чалып, йырлай эди. Учь яшындан Марта фортепиано дерслерини башлады, алты яшында исе энди музыкаль эсернинъ инджеликлерини менимсей эди. Даа балалыкъ чагъында о концертлер иле чыкъышта булунып ве музыка язып башлады. Эр чыкъыштан сонъ о даа зияде мешур пианоджы, аккомпониатор ве бестекяр ола эди. Буннен берабер о классик музыкадан гъайры, эм де дюнья халкъларынынъ музыкасы, поп-музыка, «госпел» услюбинде диний музыка ве джаз иле меракълана эди. Орта мектепте Марта Билл Эванснынъ иджады иле таныш олгъанда, о фаалиетини денъиштирмеге ве классик музыкадан джазгъа кечмеге къарар алды. 2008 сене мектепни битирип, Марта Нагоя шеэрининъ джаз-клубларында чыкъышта булунып башлады, 2009 сенеси исе Янъы джаз ве земаневий музыка мектебинде стипендия эльде этип, Нью-Йорккъа окъумагъа кочип кетти. О, Кевин Хейз, Роберт Садин, Регги Уоркман, Хэл Галпер, Эрон Голдберг, Джордж Кейблс, Сэм Яхел, Дуг Вейс, Ари Хениг, Бен Стрит ве чокъусы дигер танылгъан усталарнынъ дерслерини алды. Тезден о ерли клубларда ве залларда чалып башлады, оларнынъ арасында Smalls Jazz Club, Dizzy's Club, The Jazz Gallery ве Blue Note. 2013 сене Янъы джаз ве земаневий музыка мектебини битирип, джаз огренилюви саасында магистр программасы боюнджа Джульярд мектебинде окъумакъ ичюн стипендиягъа наиль олды. Анда о  Кенни Бароннынъ реберлигинде дерс алды. 2014 сене о шахсий триосы иле  она выступила с собственным трио в Вашингтоннынъ  Blues Alley клубында Сакура гуллегени фестивали  (National Cherry Blossom Festival) черчивесинде чыкъышта булуна эди. Онынъ концерт фаалиети Америка Къошма штатлары иле сынъырланмай. О эм де Авропада, шу джумледен Исветчияда Берн халкъара джаз фестивалинде, эм де Словенияда, Италияда, Данияда чыкъышта булуна. Марта 2011 сенеси Джон Кеннеди адына иджра этилюв санат меркезинде «Къадынлар джазда» адлы концерте чыкъышта булунгъан эди. Бу концерт американ пианоджысы Мэри Лу Уильямснынъ шерефине тешкиль этильген эди. Марта классик эсер ве джаз тили боюнджа темелли бильгилернинъ саиби. Бу о уйдургъан музыкада эр даим корюне. Онынъ «Ягъмурдан сонъ» адлы эсери 2012 сене  Американ бесекярлары, муэллифлери ве неширджилери джемиети (ASCAP) яш джаз бестекярлар Фондынынъ шерефли мукяфатына наиль олгъан эди. 2014 сене исе «Frostwork» эсери ичюн о энъ гузель яш джаз бестекяры деп, адландырылды ве Херб Алперт адына ASCAP мукяфатыны эльде этти. Кене де шу сене о Кавасакиде  Montreux Jazz Solo Piano Competition адлы соло джаз фортепиано ярышында экинджи ерни къазанды.