Яков Окуньнинъ интернациональ ансамбли

Яков Окуньнинъ интернациональ ансамбли

Пианоджы Яков Окунь — земаневий русиели джазынынъ лидерлеринден биридир. Беш йыл эвель онъа мешур американ Criss Cross лейблинде озь музыкасы иле альбом чыкъармагъа тевсие этильген эди, Окунь Русиеде яшагъан биринджи бойле пианоджы олды. Бундан гъайры Окуньнинъ ативинде Русиеге кельген эписи дюнья джаз йылдызлары иле чыкъышлар бар — Lew Tabackin, Johnny Griffin, James Spaulding, ве Craig Handy. Пианоджы эм де бутюн Русие боюнджа ве ондан тыш мастер-класслар бере. 2012 сенеден берли оджалыкъ фаалиети иле огъраша.

Яков Окуннинъ Koktebel Jazz Party фестивалинде иштираги гузель аньанеге чевирильди. Эр йыл чалгъыджы озю топлагъан меракълы интернациональ теркиплер алып келе. Бу сефер Яков иле санагъа бойле инсанлар чыкъаджакълар:

— бугуньки куньге энъ мешур испан саксофонджысы Perico Sambeat
— аджайип бельчикалы тромбонджы Phil Abraham
— энъ гузель авропалы давулджылардан бири, Алмания векили Jochen Rueckert
— аджайип френк контрабасчысы Mathias Allamane
— фестивальнинъ арт-мудири ве Тула Филармония Биг-бендининъ лидери саксофонджы Сергей Головня

Махсус мусафир оларакъ лейхада Русие джазынынъ эфсанеси — боразанджы Виктор Гусейнов иштирак этеджек.