— Джаз боразанджысы, бестекяр ве оджа, о энди 10 йыл девамында белли къытай джаз чалгъыджыларындан бири ола.
О озь музыкаль карьерасыны 11 яшында башлады. Классик музыканы огренди ве 2005 сене рагъбетли Шанхай консерваториясыны битирди. Бу девирде о Шанхай генчлер оркестрининъ иштиракчиси эди. 2004 сене озь биринджи джаз концертини берген сонъ Шанхай джаз оркестри иле чалышып башлады, онынъле о дефаларджа чешит фестиваллерде иштирак эткен эди. Бираз сонъра Ли Сяо-чуань Шималий Техас Университетинде тасиль алды, анда о Ричард Дэлримплнинъ стипендиясыны алгъан Асиа джаз чалгъыджылардан биринджи инсан олды. АКъШ кечирген йыллар девамында боразанджы Билли Драммонд, Майк Попе, Ури Кейн киби йылдызлар ве чокъусы дигерлер иле бир санагъа дефаларджа чыкъкъан эди. 2009 сене чалгъыджы озь шахсий такъымыны джыйды, оны Liu Xiaochuan Quartet киби адлады. 2011 сене март айында Ли АКъШ-да кечкен Jazz Trumpet Competition ярышынынъ финалына чыкъты. Ве кене шу сене эфсаневий контрабасчы Эдди Гомес Асия мемлекетлери боюнджа гастроллерден эвель озь янъы квинтетининъ теркибине боразанджыны давет этти.