- Кларнетчи, саксофонджы, бестекяр ве аранжировкаджы — бу танылгъан финн джаз чалгъыджыларындан биридир. Даимий шекильде Хельсинкиде яшап, о фааль шекильде бутюн дюнья боюнджа чыкъышларда булуна.
Яшлыкъта о белли американ кларнетчи ве саксофонджы Боб Уилбернинъ талебеси эди. Оларнынъ девамлы ишбирлиги аджайип тарзда семерели олды. Бу бирликнинъ энъ юксек иришмелеринден бири бу Нью-Йоркта Карнеги-холлда «Приношение Бенни Гудмену» серлевалы концерт олды.
Антти чокъусы халкъара джаз фестиваллерде иштирак этти ве бутюн Авропа, Америка Къошма штатларында, Асия ве Австралия мемлекетлери боюнджа концертлер берди.
Давет этильген йылдыз оларакъ Антти даима чешит коллективлернен чыкъышта булуна, кичик группалардан биг-бендлерге ве симфоник оркестрлерге баргъандже. Оларнынъ арасында Каунт Бэйсининъ оркестри, фелеменк Metropole Orchestra ве Dutch Swing College Band ве чокъусы дигерлери.
Антти озь Ватанында шахсий такъым яратты — Antti Sarpila Swing Band, о келеджек сене озь 35-йыллыгъыны къайд этеджек. Эписи бу сенелер девамында такъым фестиваллерде, Финляндиянынъ концерт салонларында ве джаз-клубларында, эм де сынъырдан тыш фааль иштирак эте, 20-ден зияде 20 CD ве DVD-дисклер чыкъарды.
Чалгъыджы буюк мукяфатларгъа наиль олды: Финляндиянынъ Джаз федерациясындан George ве Фин классик джаз джемиетинден Louis Armstrong.